२८ भाद्र २०७८, सोमबार

नेकपा (एकीकृत समाजवादी) प्रदेश १ ले संसदीय दलको नेतामा राजेन्द्र राईलाई चयन गरेर प्रदेश सभालाई जानकारी गराइसकेको छ ।
समाजवादी दलको तर्फबाट सावित्री कुमारी रेग्मीले प्रदेशसभा सचिव गोपाल प्रसाद पराजुलीलाई दलको नेता चयन भएको पत्र सोमबार हस्तान्तरण गरेकी हुन् । सचिवालयमा दिएको पत्रमा भीम आचार्यको सरकारलाई आफ्नो दलको समर्थन नरेकोपनि जानकारी गराइएको छ । यससँगै आचार्य नेतृत्वको सरकार अल्पमतमा परेको छ । आचार्यले अब असोज २४ गतेभित्र विश्वासको मत लिनुपर्छ।
यसैबीच एकीकृत समाजवादी पार्टी प्रदेश १ ले संसदीय दलको बैठकले आगामी सरकार निर्माणका लागि गठबन्धन दलभित्र छलफल गर्न दुई सदस्यीय वार्ता समिति गठन गरेको छ ।
अन्य गठबन्धन दलहरूसँग वार्ता गर्न संसदीय दलका नेता राजेन्द्र राई र सांसद राजन राईको नेतृत्वमा समिति निर्माण भएको हो ।

तपाईंको प्रतिकृयाहरू